الكامب


ما هو الكامب؟
غالبا هو المعسكر الذى يقيمة فرد او جماعة لغرض ما أو هدف مجتمعين لة
وغالبا ايضا يكون هذا المعسكر لفترة محددة من الزمن طالت أو قصرت ولكن
سينتهى
نكتفى بهذا من اللغة العربية الفصحى
طب يا عم سامى فين الموضوع

الموضوع وهو حياتى

ازاى يعنى يا عم
اقولكم

حياة المعسكر ممكن تكون فى حياتك يعنى حياتك زى المعسكر اللى مش راضى يخلص

دى بقى حياتى معسكر مش راضى يخلص

من بعد ما خلصت ثانوية عامة

الجامعة كانت فى بلد تانى
اة صحيح كنت بروح كل اسبوع يومين

كانو زى يومين فى بنسيون هدومى من الشنطة للغسالة ومن الغسالة للشنطة

دولاب متنقل يعنى هههه

بمعنى تانى غرفتى مبقتش غرفتى احتلتها اختى انا مش مضايق منها طبعا بس بشرح الموقف

دولابى مبقاش فية غير حاجات بسيطة الأساسيات معايا

نيجى لسكن الطلبة انا مكنتش احب سكن الجامعة كنت بسكن برة

فانت بتنام فى الغرفة مع ناس غريبة حتى لو كانو أصحابك من زمان

طبعا تنسى موضوع الخصوصية ممكن كنا بنحترم بعض

خلصت فترة الكلية

خت فترة هدنة تقريبا سنة

بعد كدة سافرت مدينة تانى للعمل فى مجال السياحة

ومعايا الشنط اة واللة شنط مش شنطة اصلى انا كنت احب اقعد من 3الى 4شهور

وبعدين انزل أجازة

فأصبحت حياتى كالمعسكر الذى لا ينتهى

ولكن بسبب ملاكى

قررت الأستقرار والنظر للمستقبل نظرة ايجابية

فى محاولة منى لكسر سور المعسكر

قولو يا رب

ملحوظة فى ناس كتير معايا فى المعسكر انا مش لوحدى

4 التعليقات:

  توفى

الخميس، 13 مايو، 2010 6:49:00 م جرينتش+3

ربنا يوفقك يارب و يحققلك كل امنياتك

كل انسان عايش و بيدخل فى صدره نفس بيبقى عايش معسكره الخاص

عشان يحقق اهدافه و امنياته و طموحاته

بس اهم حاجه اننا نحب المعسكر و نتفانى فى الخدمه فيه
عشان اما نطلع منه نلاقى نفسنا ناجحين و مأديين رسالتنا

  samy

الخميس، 13 مايو، 2010 7:55:00 م جرينتش+3

شكرا توفى على التعليق

كلامك مظبوط بس انا كنت مستسلم للمعسكر زيادة

دلوقت ابتديت ابص برة المعسكر لحياة جديدة

بدون اسوار بدون معسكرات

شكرا

  مصطفى محمود

الخميس، 13 مايو، 2010 11:06:00 م جرينتش+3

والله يا ماو انت بتفكرنى بنفسى ايام تجارة -جامعة جنوب الوادى - فرع قنا !! قبل ما احول لحقوق القاهرة وارجع لعقلى .

ربنا معاك

  samy

الجمعة، 14 مايو، 2010 11:56:00 ص جرينتش+3

شكرا مصطفى على التعليق

ياااااة انت كنت متعذب فى جنوب الوادى ولا اية هههههه

بالتوفيق ان شاء اللة

شكرا