روحى بتكلمنى


أية يا عم

أية يا عم مجنون ليلى ولا مجنون مين بالظبط
اية عم مخلاص متكن
قالت لك مفيش فرصة متتلم
هتقول عليك بارد وتنح ومعندكش دم
متتلم
طيب ياعم
*****
يعنى هتتلم وتكن
مش هتتكلم تانى وتقول بم
*******
موعدكش يا عم
****
لية ؟؟؟؟
علشان متكرهكش
*****
فكرك كدة
فكرك خلاص قصة وتتلم
قصة خلصت وهنقول تم
طيب يا عم
********
قصة..... هة
انت خلتها قصة
انت عشت الوهم
حبيت وقلت بحب
ومدتش فرصة تتحب عملت حبيب
وزعلت
من اية زعلت
ها.... علشان عشت الوهم
متزعلش
ممكن تكون هى كمان زعلت
زعلت؟؟؟!!!!
ايوة زعلت من اللت والعجن
ما انت مدتهاش فرصة توزن الأمور
بالعقل
قالت واتكلمت يا عم
ما ينفعش
وانت ايدك على ودانك مبتتشلش
يبقى خلاص بقى
انسى ولم وقول تم
و متزعلش
ماشى يا عم
صحيح مش هتنسى
وقلبك مش هيقول تم
بس اوعى تقول
هى ليها دعوة
علشان
انت اللى قولت
وانت اللى اتكلمت
انت هتعيط ولا اية
لأ...... بس حاسس انى ممكن
اكون غلطت
اكون غلطت مش فى الحب
غلطت فى انى قلت
خلاص يا عم اديك فهمت
************************

2 التعليقات:

  ساسو

السبت، 29 مايو، 2010 10:36:00 ص جرينتش+3

الله عليك ياسامي
كلماتك جميله أوي
وزي ما قولتلك قبل كده
ان خفه دمك خلت للكلمات سحر وجاذبيه
بصراحه مدونتك لوه أوي
وانت ناجح ومتميز
دمت بخير وحب

  samy

السبت، 29 مايو، 2010 11:29:00 ص جرينتش+3

ساسو شكرا على المتابعة جدا

دة من ذوقك

و مدونتك صدقينى مدونة جميلة وانتى عاملة فيها مجهود جميل

ربنا يوفقك