بحبك



بحبك

بحبك أيوة بحبك وهحبك طول العمر
هحبك مهما كان بينا مسافات وحدود
مهما كانت الأختلافات ومهما كانت الردود
دى مش تباتة دى محبة
حتى لو مكنش ليا فى قلبك محبة
ايوة محبة
مهما طال الوقت و الزمن هحبك طول العمر
ممكن تقولى دة هيمان وبيحلم هيفوق
لا مش بحلم علشان كدة مش هفوق
قصدك ابوص لنفسى و لحالى وأنساكى
طب ما انت نفسى وأنت حالى ازاى انساكى
مهما قلت مهما فسرت
حبك فى قلبى ميتقدرش
ايوة ميتقدرش
لأنة مهواش لعبة مهواش وقت علشان كدة ميتقدرش
عارف بتبوصيلى ازاى
وتفكرى وتقولى ازاى!!!!!
منغير ازاى
ازاى يا ابنى منغير ازاى؟؟؟؟
ما هى اكيد عاوزة تفسير عاوزة أزاى
طب ما انا مش عارف ازاى
هقولك طب أزاى
مش هعرف أقول واتكلم
غير انى بتألم بتألم لأنى مش عارف اقولك أزاى
برضة ازاى
هفسر ده ازاى للناس
الناس....الناس مالنا ومال الناس
ومالها الناس
قالولنا الناس هنحب ازاى
طب ازاى اقول لهم ازاى
بوصى
انت مصدقانى طب لو مصدقانى
طب فرصه ليكى وليا أدينى
ده بس لو مصدقانى
انا عارف هتقولى ايه تانى
عارف واللة وفاهم
بس مش قادر والله ما قادر
انا مش عاوز بس تحسى
انى فرضت انى ضغطت عليكى بحبى
انا باكتب دة كله ليكى من قلت كلامى معاكى

يمكن تكون الصوره مش واضحة
علشان كده كان نفسى تبان وتكون واضحة
مع الكلام
يمكن انتى
عندك انتى الصوره بتبان
وممكن تقولى انا قولت والصوره بينت
من اول كلمة من اول حرف انا بينت
عارف والله وفاهم
طب ما انت عارف
طب والأخر
مش عارف
لا يا صديقى لازم تعرف
لازم تعرف لازم تفهم علشان ميجيش الوقت وتكرهة
لأ مش هكره
لا من قال لك انى هكره
ده احساسك ده تفسيرك
للى بقوله للى بعيدو
صدقينى متخفيش انا هستنى
تستنى حرام يا ابنى
ولا اقولك
طب استنى. طب استنى
بس انا مقولتش و موعدتش
وانا ما قولتش ان انتى وعدتى ولا قولتى
بس دة وعدى
لو فكرتى فى يوم
انا مستنى
بس بقول لك احنا هنفضل نتكلم
ممكن؟؟؟
صح ولا دة هيخليكى متكلمنيش
وأرجع واقولك
بحبك ايوة بحبك هفضل أحبك احبك طول العمر

11 التعليقات:

  sweet angel

الثلاثاء، 25 مايو، 2010 1:07:00 م جرينتش+3

اول مرور ليا
واول تعليق كمان
برااااااااااافو عليا

  sweet angel

الثلاثاء، 25 مايو، 2010 1:08:00 م جرينتش+3

اييييييييييه ده

ده انا جايز مبقاش اول تعليق ولا ايه ؟؟؟؟؟؟

يلا بقى انا ونصيبي

المهم

لو سمحت ابقا شيل الحروف التأكيديه دي

مش كفايا بيذلونا بيها في نتيجة الثانويه العامه

  samy

الثلاثاء، 25 مايو، 2010 1:13:00 م جرينتش+3

اولا شكرا على المرور الأول واتمن ميكونش الأخير

ثانيا مقدرش اشيل الحروف التأكيدية

اول ما يلغو ثانوية عامة هشلها انا من عندى
ههههه

شكرا

  sweet angel

الثلاثاء، 25 مايو، 2010 1:14:00 م جرينتش+3

انا فاهمه نص ونص كده

واضح ان الصداقه قلبت حب

طب دي ردودها فعلا ولا ده تخيل ؟؟

لو ده ردها يبقى جميل لان هيبقى فيه امل

ولو ده تخيل برضه يبقى فيه امل لانها جايز ترحب وتوافق

ومن الواضح ان عرق الغباوه عندي اشتغل واني مش فاهمه حاجه

وجايز برضه تبقى الحكايه كلها تخيل

بس دي انا معتقدهاش

عموما ربنا يكتبلك وبطل القصه الخير باذن الله

  sweet angel

الثلاثاء، 25 مايو، 2010 1:16:00 م جرينتش+3

لالالالالالالا بجد الحروف دي لازمتها ايه غير انها تقرفنا

ونقعد نقلب اللغه من عربي لانجليزي

ونرجع نرجعها تاني

طب وليه وجع القلب ده

  samy

الثلاثاء، 25 مايو، 2010 1:21:00 م جرينتش+3

انجليزى انا مش فاهم وجهة نظرك

انا اسف

بس انا كتبتها زى ما انا حاسس

فمينفعش اغير اى حاجة

انا محترم وجهة النظر بس مش فاهمها !!!!

  sweet angel

الثلاثاء، 25 مايو، 2010 1:32:00 م جرينتش+3

لالالالالالالالا
كده فيه مس اندر ستاند

انا اقصد الحروف التاكيديه الي في مربع التعليقات
مش ليها علاقه بالبوست

في التعليقات

  resalatye

الثلاثاء، 25 مايو، 2010 5:33:00 م جرينتش+3

يابخت البت اللى انتا بتحبها لان مافيش حد فى الزمن ده بيحب للدرجه حتى لو حب بتيجى حاجه قويه اوى تفرقهم عن بعض بجد يا بختها بيك ويارب تعرف انتا بتحبها اد ايه وصدقنى لو عرفت عمرها ما هتقدر تستغنى عنك ابدا ابدا

  samy

الثلاثاء، 25 مايو، 2010 6:08:00 م جرينتش+3

resalatye

شكرا ليكى

انا على فكرة حتى لو محصلش نصيب وكنت معاها حفضل اعزها و احبها

لان بجد هى غيرت فيا حاجات كتير للاحسن ممكن تكون هى مش حاسة

انا عملت المدونة دى علشانها هى وبس

شكرا يا رسالتى على المرور والتعليق

  ساسو

الثلاثاء، 25 مايو، 2010 8:56:00 م جرينتش+3

مساء السعاده والحنان
كلامك جميل جدا جدا جدا
وخفه دمه بتجذب الانتباه
بجد مدونتك جميله جدا
وأنا واحده من الناس اللي كانوا عايزين يعرفوا ازاي

مستنياك تنور مدونت

  samy

الثلاثاء، 25 مايو، 2010 9:55:00 م جرينتش+3

ساسو

اهلا بيكى

نورتى المدونة

دة من زووقك

صعب اقول ازاى صدقينى


شكرا جدا على مرورك